Les måvas byins (fime d' imådjes)
The Bad Guys
Les måvas byins u les mwais valets[1], ki l' mwaisse tite, e-n inglès, c' est The Bad Guys, c' est on fime d' imådjes éndjolike k' a vudî e 2022.
Racourti candjî
C' est des biesses, mousseyes a djin, ki fwaiynut les hapeus d' boûsse. I volnut apicî li «Dåfén d' Ôr», ene riscompinse ki serè dnêye på professeur Michtrolof IV (ki c' est on pourcea d' montinne).
Po touwer l' tins divant di scroter l' pîce, tins del fiesse di rindaedje do pris, Monsieu Lleu (onk des baligands) fwait les potches di sacwants rwaitants. Mins, sins l' voleur, il aide on vî ome ki n' sait cwè fé po l' rimerciyî.
Pont d' tchance ! les mwais valets sont ramassés. Po s' fé bén vey des djudjes, i prometnut di s' amidrer, et di n' pus fé des målès keures. Mins ci n' est k' on toû d' rossea tchén po waitî di rzweper li «Dåfén d' Ôr» cwand i mousront foû del pote.
Sabaye s' il adierceyront leu côp, ci feye ci ?
Sourdant candjî
- ↑ Ratournaedjes atåvlés pa Souzane Mahin, Li Rantoele 102, esté 2022.