Laure Gastes

Laure Gastes u Laure Gesell u Laure Gastes-Gesell, c’ esteut ene fijheuse di tchansons e walon ki provneut d' après Måmdey.

(diviè 1920)

Elle a vnou å monde e 1870, a Sint-Vi.

Biyografeye

Elle a scrît ene ramexhnêye d' arimés e walon e 1951 eyet 1952, cwand ele dimoréve a Pont-dlé-Lignouveye.

Si pa, Ernst Gesell, provneut d’ Åxhe, mins i vna dmorer a Måmdey come sicretaire cantonå. I s’ mareye avou Matile Talbot, ene feye di notåre, ki lyi dene 9 efants. Laure esteut l’ parcoulot del famile.

Dins ses vîs djoûs (e 1961), elle ala rdjonde ses neveus et ptit-neveus ki s’ avént setlé e l’ Årdjintene, et askepyî ene veye ki poite leu no (Villa Gesell) ki contéve 20.000 dimorants e 1980. Ele vikéve co a 95 ans.

Ouves pol walon

Ele sicrijheut sovint ses paroles so des viyès airs almandes (la k’ ele dimoréve avou si ome e l’ Almagne). Mins ossu des tchansons da Franz Schubert et ds ôtes muzicyins almands do 18inme sieke. Eplaidîs come Powinmes e walon da Lôre Gesell (ki l' tite e francès, c' est Poèmes wallons de Laure Gastes-Gesell) (1983)

Hårdêye divintrinne

Powinmes e walon da Lôre Gesell

Hårdêye difoûtrinne

• Li Wiccionaire si rsieve di sacwantès fråzes da Laure Gastes po-z enimådjî des mots k' i gn a.
• Si biyografeye e francès (so s' live di powinmes)