La Semaine (gazete)

Gazete « Li samwinne » di Måmdiy

Li Samwinne do 15 di djanvî 1898

Li Samwinne, ki s' mwaisse tite est scrît e francès (La Semaine, Journal de la ville et du Cercle de Malmédy), c' est ene gazete eplaideye a Måmdiy do tins do redjime prûssyin pa l' Imprimreye Scius.

Elle esteut scrîte e francès, mins gn aveut on ptit boket e walon: l' Årmonak del Samwinne. L' Årmonak walon esteut eto replaidî tot seu.

Les rclames et les anonces sont-st e francès ey e l' almand.

Elle a stî enondêye e 1848.

L' årmonak walon pol samwinne

Egzimpe do contnou do limero 3-1898 (15 du djanvî)

Li gazete a ene grande cogne, 34 x 50 cm hôte et lådje. Gn acwate pådjes. L' abounmint po l' anêye costêye 4 mårks. Pofé mete åk sol gazete, ça rvént a 10 fenich li roye.

• Prumire pådje :
  • On papî d' corwaitaedje sol Chine.
  • Ene rivuwe politike nåcionåle (e l' Almagne, dabôrd). On-z î cåze bråmint di l' Impreur (Wiyåme II d' Prûsse), des novelès lwès, evnd.
  • On fouyton.

Reclame des fiesses po les ans d' l' Impreur (en almand ey e francès, avou l' anonce di pîces di teyåte e walon.

• Deujhinme pådje
  • Fén del rivuwe politike nåcionåle.
  • Noveles eternåcionåles : e l' Otriche, e l' Itåleye, e l' Inglutere, el Rûsseye, el France, e l' Espagne, e l' Amerike, el Chine, e l' Edjipe. Droldimint, on n' djåze nén del Beldjike.
• Troejhinme pådje.
  • Conte-rindou do concert di l' Union Walone, et ôtès ptitès noveles di Måmdey.
  • l' Årmonak del Saminne (e walon) : sints fiestis cisse sawminne la; fôres et dicåces.
  • Etat civil des comenes di Måmdey et Bévurcé.
  • Reclames et ptitès anonces.
• Cwatrinme pådje : Reclames et ptitès anonces.