Jean-François Renkin
Jean-François Renkin u François Renkin, c' est on scrijheu e walon k' a skepyî li 12 di måss 1872 et k' a morou li 17 di fevrî 1906, a pont d' ådje.
| Skepiaedje | 12 di måss 1872, Lidje |
|---|---|
| Moirt | 17 di fevrî 1906, Ramioul |
| Activités | scrijheu |
| Ôtes nos | Passe-Pids |
Il est rprins dins l' antolodjeye Fleurs diyalectåles et dins l' grosse antolodjeye da Piron.
I n' aveut pont d' mestî, et viker d' ses rintes.
Sacwants d' ses bokets candjî
Il n' a waire sicrît, djusse 75 pådjes inte 1894 et 1898.
- Messaedjes d' avå l' samwinne (rireyes so des etrevéns d' adon)
- Portraits d' djins (inte di zels : "Barakîs")
- So l' ansinî (istwere di poyes so on pådje)
- On dimegne
- L' årmå
- E pré Tombeur
- Li viye buze
- Les omes ås rôletes : sibarmint d' aveur des bicicletes ki rôlèt rade po les pormoenneus
Corwaitaedje di si ouve candjî
Si ouve est corwaiteye e francès dins l' live «Clartés sur les lettres wallonnes contemporaines» (p. 91-93).
Maurice Piron riprind l' minme djudjmint dins si grose antolodjeye, loucant Renkin come li prumî mwaisse del prôze e walon, «çou k' Hinri Simon a stî al powezeye».
Shuvance candjî
Les tecses da Renkin ont stî eplaidî sol Daegntoele dins les anêyes 2000. Il ont dné a sacwants raprindisses li gosse di scrire e walon.[1]
Hårdêyes difoûtrinnes candjî
- (fr) Biyografeye et corwaitaedje d' onk di ses bokets
Li Wiccionaire si rsieve di sacwantès fråzes da Jean-François Renkin po-z enimådjî des mots k' i gn a.
Vos trouvroz des racsegnes so les ouves da Jean-François Renkin, u les ouves zeles-minmes, so Wikisourd e walon.
Sourdants candjî
- ↑ Christian Thirion, racsegne dinêye a Lucyin Mahin li 29 d' octôbe 2014