Jacques Lefebvre
Jacques Lefebvre, c' est on tchanteu e walon k' a skepyî a Lidje li 6 d' awousse 1939 et k' a morou diviè 1997, d' on magnant må ki l' a acsû estant co djonne.
Il a stî on grand ranovleu del tchanson e walon.
Di s' prumî mestî, il esteut mecanicyin. Mins il a clapé l' ouxh sol beur po esse tchanteu d' mestî.
Cårire
candjîIl aveut cmincî come muzicyin da Julos Beaucarne.
Ses pus belès tchansons di 1982 a 1987 ont stî ramexhnêyes e-n ene sitroete plake prodûte på CRIWE.
I scrijheut bråmint d' ses tecses lu-minme. Si a-t i stî relî dins l' Antolodjeye Scrire (c' est l' seu tchanteu k' est dins l' cas). Sacwantes fråzes da sinne siervèt dins li splitchant motî.
Tinmes då Djåke Lefeve
candjîSes tchansons sont-st ene miete otobiyografikes. Metans, dins "les vîs råtchåds", i raconte k' i djheut ki les ancyins del Walonreye, avou leus "Vinoz Mareye" et cråmignons el fijhént assoti. Dins "Copleu", il esplike kimint k' il a cwité l' oujhene po divni "tchanteu comike".