Ivier des purnalîs

Pol discramiaedje des årtikes avou l' mot « Ivier des purnalîs », loukîz cial.

L' ivier des purnalîs (on dit eto: li florixhåjhe des noerès spenes, li florijhon des fordinîs), c' est å bontins, diviè l' mitan do moes d' avri, cwand les purnalîs et les cerijhîs florixhnut el Walonreye, et k' i fwait tot d' on côp pus froed.

ivier des purnalîs (9 d' avri 2021, Transene)

ivier des purnalîs… sins purnalîs et sins ivier (10 d' avri 2020, Transene)

Rapoirt avou les sints d' glaece

E payis d' Mouze, l' ivier des purnalîs est on ptit moes pus timprou ki les sints d' glaece, ki c' est inte li 11 et 13 di may.

Mins, e l' Hôte Årdene, li florixhåjhe des noerès spenes si fwait å mitan do moes d' may. Adon, les deus såjhnetes si rcôpèt.

Dins des ôtes payis

E l' Afrike bijhrece, gn a on rafroedixhmint bén cnoxhou et clawé dins l' calindrî des cinsîs inte li 10 et l' 17 di måss. A ç' moumint la, les dinrêyes sont ddja påmêyes.

On l' lome:

• «ليالي حيّان (lyaeli Heyyinne)» e-n arabe marokin.
• «ⴰⵃⵢⵢⴰⵍ (aHyyael, mot singulî)» u «ⵉⵃⵢⵢⴰⵍⵏ (iHyyaelen, minme mot å pluriyal)» e-n amazir.