Iskettafen

Iskettafen (e techelheyt ⵉⵙⴽⵟⵟⴰⴼⵏ ^{aschoûtez lu}), c' est on viyaedje do vå des Ayites Bougmesse.

Ortografeye

Li riscrijhaedje e tifinar «ⵉⵙⴽⵟⵟⴰⴼⵏ» (iskTTafn) est acvierné pal plake e-n alfabet arabe (ki mostere bén li rinflé T, rindou på « ط » arabe, et li « ⴰ » (ا, a) metou après.

Dins l' prononçaedje eredjistré, on etind aiwdirotchmint li djermalance do « ⵟ »(rinflé T). Li minme son est scrît pa on dobe T dins l' live da Karin Huet et Titouan Lamazou^[1]: Iskattafene.

Li deujhinme voyale est leyeye indiferinne (nén notêye e tifinar IRCAM), et adon rindowe e nosse ralfabetijhaedje latén pa « e ». Adon ki Huet et Lamazou el sicrijhént « a » (Iskattafene), çou ki dénreut e tifinar ⵉⵙⴽⴰⵟⵟⴰⴼⵏ.

Gn aveut nole plake e tifinar sol mwaisse voye e moes d' djanvî 2023.^[2]

Djeyografeye

C' est on ptit viyaedje metou on pô retrôclé, sol hintche costé del voye do Mont Azourki.

Li pont sol mwaisse voye, po l' ouwed (do minme no) ki dischind do Mont Tizal, c' est todi les teres då viyaedje.

Tot montant so l' Azourki, il est metou inte Imelrhesse et Ikhef n Irhir.

Sourdants

Commons

I gn a so les cmons Wikipedia des imådjes ou fitchîs son a vey avou Iskettafen .

↑ Onze lunes au Maroc, Gallimard, 2012, ISBN 978-9954-03764-5
↑ Les novelès plakes des viyaedjes del mwaisse voyes ont stî fotografieyes pa Uzeu:Lucyin fén do moes d' djanvî 2023.

[1] Onze lunes au Maroc, Gallimard, 2012, ISBN 978-9954-03764-5

[2] Les novelès plakes des viyaedjes del mwaisse voyes ont stî fotografieyes pa Uzeu:Lucyin fén do moes d' djanvî 2023.

[1]

[2]