Ipocalcemeye
L' ipocalcemeye, c' est l' baxhaedje do livea do calciom dins l' sonk.
On l' rescontere dins sacwants maladeyes des djins et des aclevåvès biesses.
Ipocalcemeye ås djins candjî
Elle pout esse cazêye pa
- ene dizôrnance do produjhaedje del paratormone.
- ene mancance di vitamene D.
- des bas liveas do magneziom e sonk
Les mwaisses senes sont dins les musses (corwêyes (convulsions), cour ki bate drole (aritmeye), sorroedixhaedje (tetaneye), edoirmaedje ou sinsåcion d' picaedje des mwins, des pîs, des lepes (parestezeyes).
Ipocalcemeye ås biesses candjî
C' est les frumele des roemiants ki sont l' pus sovint acsûtes. L' ipocalcemeye est l' mwaisse sene del maladeye lomêye touma des velêyes (vatches) ou touma bacalciomrece (paski, ås berbis, ça arive cobén divant l' agnlaedje).
ås vatches laeçreces candjî
- Loukîz a : touma des velêyes
ås berbis candjî
Li maladeye rishonne al cene do touma del vatche velêye, mins i s' rescontere purade so les berbis plinnes.
Li timperateure pout esse foirt basse, eto.
I n' fwait nén todi åjheye di vey li diferince avou l' tocsemeye des berbis plinnes. Li diferinciant diyagnostik si fwait tot loucant l' reyaccion å médiaedje avou do calciom.
-
five di laecea, digré I (ledjir)
-
five di laecea, digré II (ordinaire)
-
five di laecea, digré III (griyeus)
-
five di laecea : dischandixhaedje (normåldimint : 38,0-39,5°C)
-
touma bacalciomrece berbis
-
touma bacalciomrece berbis : dischandixhaedje (normåldimint : 38,5-39,5°C)
ås gades candjî
Les gades grandès laeçreces ont ene maladeye come li touma des vatches velêyes.