Hourete des tchamps

Pol discramiaedje des årtikes avou l' mot « hourete », loukîz cial.

Li hourete des tchamps u ptite hourete u ptite houprale u pitite souwete, c’ est on ptit oujhea d' nute magneu d' tchå ki voyaedje ossu del djournêye, aprume al vesprêye.

Discrijhaedje

Si ploumaedje est clair bron.

Ele n' a pont d' orayes, årvier do ptit tchafô, di minme grandeur.

Si cawe est coûte.

Elle est 22 cintimetes hôte.

Ele s' adjoke voltî so on postea, on toet, èn åbe u on hopea d' pires. La, ele fwait des sierviteures, tot clintchant s' coir padvant leye.

Si tiesse bodje toltins, tot-z awaitant l' cotoû.

Ele pout «fé l' Sint Spér» (dimorer e l' air e l' minme plaece) a l' anuti, cwand ele vout apicî des insekes.^[1]

On l' trouve so ene grande pårteye di l' Urope et l' Azeye, et a Bijhe di l' Afrike.

Commons

I gn a so les cmons Wikipedia des imådjes ou fitchîs son a vey avou l' hourete des tchamps .

↑ (fr) Heinzel, Hermann, Fitter, Richard et Parslow, John, The birds of Britain and Europe, with North Africa and the Middle East, William Collins Sons &Co Ltd, 1972, ratourné e francès avou l' tite Oiseaux d'Europe, d'Afrique du Nord et du Moyen-Orient, Delachaux et Niestlé, Neufchâtel, 1972, p. 180.