Gripe di Honconk
Li gripe di Honconk, ci fourit ene minêye daegnrece di gripe k' ataca a Honconk e moes d' djulete 1968 (dandjreus vinant del Chine).
Cåze candjî
C' esteut on micsovirûsse del sôre H3N2.
Minêyolodjince candjî
Rôlaedje del minêye candjî
Di Honconk, ele passe ezès Stats Unis, la k' elle va fé 50.000 moirts so troes moes, al fén d' l' erî-såjhon et å cminçmint d' l' ivier.
Li virûsse a l' air d' awè disparexhou e 1969, tantea ki les especiålisses di l' ODH (OMS, WHO) li loucnut come di l' istwere schoyowe e leu grand raploû d' octôbe 1969. Mins l' piyintche ratake e l' Urope di l' ivier 1969-1970.
Dinêyes minêyolodjikes candjî
Li gripe acsujha totes les classes d' ådje, les 20, 30, 40 et les pus vîs.
E l' Beldjike candjî
Mågré ki les gazetes n' è cåzèt cåzu nén ‒ udon minme po s' fote ‒, i shonne ki l' maladeye a bouxhî djus bråmint des djins. Insi, Le Soir sicrît k' i gn a 10 a 25 åcint d' eployîs et ovrîs ki n' sont nén la dins les administråcions et les eterprijhes.
Nou rcweraedje sincieus ni fourit fwait do tins del minêye, k' a todi stou waiteye come ene simpe laide gripe d' ivier.
Tot ristudiant li sormorance di ces moes la, on a aviré on totå d' moirts di 10.000 djins.[1]
Dins les belès-letes e walon candjî
Dins l' adrovaedje do Bourdon 1-2 1968, Felicyin Barry s' escuze di n' aveur sepou dé deus limeros e djanvî et fevrî, pask' il a-st atrapé «ene gripe carabinêye». Ci sereut dedja bén l' minme minêye k' åreut rôlé pattavå, sins k' on î prinde asteme, disca tant k' elle åye fwait bråmint des malådes dins ene veye sorpeuplêye come Honconk.