Grand-parint

On grand-parint, c' est l' pere u l' mere do popa u del mame d' ene djin.

A costé do lomaedje ordinaire di "grand-pere" u "grand-mere", n a des ôtes lomaedjes ki vont purade po :

• cåzer d' on grand-parint divant ses ptits-efants.
• les ptits-efants zels-minmes arinner leus grands-parints.

C' est :

• pol grand-pere : bon-popa, pepere, papi.
• pol grand-mere : boune-moman, bobone, memere, mami.

Dins les nos eployîs tenawete,on trouve eto "pårén" et "mårene" (u "nenene"), paski, davance el Walonreye, c' esteut sovint les grands-parints k' on tchoezixheut po esse pårén et mårene di bateme des efants.

Mins n a co des ôtes nos, come "vî-popa", "vî-pa", "tåye", "tayon", evnd.

Lomaedje des grands-parints et cronolodjeye

Dispu les anêyes 1970, les grands-parints ont dmandé di candjî li no ki leus ptits-efants les lomént, po k' i soeye diferin do ci ki zels, avént lomé leus prôpes grand-parints. C' esteut dandjreus po shuve li môde, et si sinte on pô moens vî.

Insi, li classike "bon-popa" et "boune-moman" s' ont leyî replaecî pa "pepere" et "memere" (anêyes 1980), pu ma "papi" et "mami" (passé e walon dins les anêyes 2000).

Il arive ossu ki, dins les familes k' ont co leus cwate grand-parints, on lome d' ene façon diferinne les cis do costé del mame (metans : memere / pepere) et les cis do costé po pere (metans : mami / papi).

Role des grands-parints dins l' aclevaedje des efants

Divinltins, n a bråmint des grands-parints ki s' ocupént d' aclever les efants avou les parints, u tot lzès replaeçant cwand i n' estént nén la.

Les ptits lingaedjes avént insi pus åjhey a passer d' ene djermêye a l' ôte.

Lives e walon avou on grand-parint et on ptit-efant come mwaisses persounaedjes

• Les mots då vî-pa da Felicyin

Hårdêye difoûtrinne

• Pådje di sinonimeye des lomaedjes des grands-parints (sol Wiccionaire)