Gozete

El gozete, c' est ene påstedjreye del cogne d' on triyingue ubén d' on dmey-ceke, ewou çk' est sovint stitchî del compote di peme ubén del confiteure d' åbricot.

Gozete avou del crinme dsu.

Oridjene

Diferinces

Les gozetes sont bedjes. El Beldjike, on lzès rtrouve foiravant el Waloneye, a Brussele ey a Gant. E francès, l' on dvize di « chausson aux pommes » el France, mins di « gosette aux pommes » el Beldjike. Totfeye, i gn a ene ledjire diferince etur yeusses. Li prumire est cûte avou del påte fouytêye, tins k' el deujhinme est cûte avou del påte briyossêye.

Ådzeu d' ça, i n' elzès fåt nén comaxhî avou ene wînete lomêye schtroudele ([DE] strudel) ås pemes. Li schtroudele est pus djondant del gozete francesse ([FR] chausson), veyanmint k' on s' sieve eto d' ene påte fouyteye po-z end aprester.

Gozete francesse

Dit-st i : les gozetes al mode francesse egzistêyreut dispoy li 16inme sieke u l' 17inme sieke. Les sourdants n' si metnut nén d' acoird. Come di djusse, e 1580 u e 1630, gn ava yeu ene minêye di pesse, a Saint-Calais, ene comene dins l' Coûtchant del France. Li tchesturlinne di drola åreut dné åzès sorvicants ki dvît dmorer låvå on djeyant « påter ås pemes ». C' est pocwè, dispu çoula, on fiesse ene porcession po l' fén d' èç minêye la, tchaeke 1î d' setimbe.

Hårdêye difoûtrinne

Fôrmule do Ministere francès di l' acseignmint eyet del djonnesse po-z aprester des gozetes francesses.