Gagåz (lingaedje)

Li gagåz, c' est on lingaedje troucrece djåzé på peupe do minme no di Moldaveye, Oucrinne, Rûsseye et Tourkeye.

C' est l' lingaedje oficire del redjon otonome di Gagåzeye, e l' Moldaveye.

Côde ISO : gag

Parintêye

Li gagåz est près-parint des lingaedjes troucreces del minme coxhe : l' azeri, li troucminne, li tatår di Crimêye et l' trouk lu-minme.

Accints

Gn a deus accints bén ricnoxhous, li gagåz bulgåre et l' gagåz del mer.

Sicrijhaedje

Come pol tatår di Crimêye, les djins ont tchicté po saveur kén alfabet prinde.

Al fén do 19inme sieke, on l' a scrî e l' alfabet grek.

A cmincî di 1957, ça a stî e cirilike, disk' å disrashonnaedje di l' URSS e 1991.

Pol djoû d' ouy, li gagåz est scrît e-n alfabet latén, a môde do trouk.

Gn a djusse deus letes a pårt :

• li lete ä pol son æ (li minme son si scrît ə e-n azeri)
• li ⟨ț⟩ or ⟨ţ⟩ metowe pol son ts (come e roumin).