Gåtaedje d' on dint

Li gåtaedje d' on dint u pourixhaedje dintrece, c' est cwand on dint kimince a trawer pa l' emay, et l' pourixheure wangnî totes les parfondès pårteyes.

pouri dint råyî

Avançmint do gåtaedje

Li pourixhaedje shût todi ces estapes vola:

• prumî gåtaedje di l' emay dintrece, a cåze des seurs amagnîs.
• parfond gåtaedje di l' emay; i pout esse difoûtrin, sol copete des dints, u djondrin la k' deus dints sont si près onk di l' ôte k' i gn a tofer di l' amagnî ki dmane siplinkî la, minme cwand on broushe ses dints a tinzayeure.
• gåtaedje di l' ivwere dintrece, ki s' a trové discatchî.
• efouwaedje del tchå dintrece, ki dene li må d' dints
• moraedje del tchå dintrece, ey efouwaedje di l' oxhea dintrece, ki dene li houzaedje del mashale (abcès dintrece).

• 
  atacaedje di l' emay
• 
  trawaedje di l' emay et splawnaedje di l' ivwere
• 
  efouwaedje del tchå dintrece
• 
  li mashale est acsûte
• 
  pouri dint (al fén)

Espaitchance

• rastrinde li magnaedje di soucråde pa les efants.
• lavaedje des dints comifåt divant d' aler coûtchî, et pår après tchaeke eurêye.
• pilures di fluwôr a prinde del djonne ådje disk' al laidådje.
• si fé viziter les dints do dintisse tos ls ans, po sognî li gåtaedje å cmince.