Freyeu

Freyeu (Fr. Froidlieu), c' esteut on hamtea d' Sohire, ey après 1977, onk des viyaedjes do Grand Welin.

tchapele Sint-Bietmé di Freyeu: droet dlé et aite

viyaedje veyou did lon

Sipotaedje des djins : les Leus

Rima : Freyeu, wice ki l' gade a magnî l' leu (c' est ene fåve do vî vî tins).

C' est ddja on gros hamtea, la k' gn a ene eglijhe (di 1700 ey ene tchike).

Sacwants nos d' plaeces di Freyeu

• Li Copoutiene (Coputienne).
• Li Fond d' Freyeu.
• Li voye del Vå

Istwere

Gn a tote ene cimintire merovindjinne, sol voye del Vå.

Li hamtea esteut pårti e deus, li mitan sol Principåté d' Lidje, et l' mitan sol Dutcheye di Lussimbork. Gn a ene bône å mitan do viyaedje ki mostere co l' limotche inte les deus. Tchaeke mitan diveut etertini ses voyes. Les manêyes estént eto pårteyes sorlon li dmorance des djins.

Al guere di 40, ene avion î fourit-st abatowe, et l' moenneu, on Canadyin, î leya ses hozetes. Gn a on ptit monumint d' sovnance.

Rilidjon

Eglijhe å vicaire (avou on presbitere) dicåceye a sint Bietmé e 1767 et raloyeye al pårotche di Honai; divnowe ene prôpe pårotche e 1808.