Forcrexhince eterdoetrece

Li forcrexhince eterdoetrece, c' est ene maladeye des pîs des bovrins.

I s' adjixh d' ene sôre di poreas ki crexhe inte les deus ongueas.

Minêyolodjince

Li må est pus corant ås cafloreyès noeres di Frize et les Ostene.

Cåze

Pout vni d' ene flåwté des nierons eterdoetrece, motoit bén d' eritance.

Dins les pus viyès vatches, ça pout esse ene complicåcion d' ene diermite eterdoetrece.

Senes del maladeye

a èn åmea, sins grand clepaedje

Dins bråmint des cas, on nel voet nén, et ça n' cåze nou xhalaedje.

Cwand l' maladeye est pus viye, aprume ås pezantès vatches, ele va fé cleper l' biesse djus. Et fé må cwand on l' djond.

Li porea si trouve å pus sovint dol costé divantrin di l' eterdoetrece. Ele pout awè crevådé li muraye di l' onglete.

Médiaedje

O fåt côper l' forcrexhince evoye. Po les pus griyeus cas, on-z edoime li biesse avou li pus foirt dôzaedje di silazene. Pu broûler l' porea å stok. S' i gn a on crevådaedje di l' onglete, ritaeyî djus, disk' å haiti texhou.

Adonpwis, ribroûler, po ki l' crape fwaiye pansmint.

Les djoûs d' après, on pout resserer les deus ongletes avou ene binde elastike.

• 
  Tinaedje-astok
• 
  Après broûlaedje dizeutrin
• 
  broûlaedje del raecinêye å tchôs fier
• 
  forcrexhince råyeye evoye et plakêye å fier
• 
  crevåde el muraye
• 
  ritaeyaedje des måhaitîs texhous del crevåde
• 
  broûlaedje pansmintrece