Djaenea fåsse ranonke

Li djaenea fåsse ranonke ou djaenea ou blamêye ou pitite-aloumwere ou clå-d'-ôr ou djaene fleur di må, c' est ene pitite djaene fleur ki vént å bontins.

foyes et fleurs on djoû avou waire di solea

fleurs bén drovowes on djoû d' solea

Sincieus no d' l' indje : Ficaria verna u Ficaria ranunculoides u Ranunculus ficaria

Discrijhaedje

El Walonreye, c' est ene des prumires ki florit, dedja e moes d' måss.

Come bråmint des ôtès fleurs, ele si drouve å solea.

Elle a-st ene grosse cråsse foye, del cogne d' on rno, ki dmeure å raeze di tere.

Crexhaedje

Ele vént dins les hourleas, les bwès, les cortis. Ezès djårdéns, ele pout esse plantêye come wårnixhante fleur, come yebe ås maladeyes ou esse riwaitêye come crouwå.

• 
  dins on bwès
• 
  e-n on corti

Come yebe ås maladeyes

On eployive ses raecinêyes (50 gr å lite d' aiwe) po l' resseraedje (ele rind les crotes pus moles, ene miete glairieuses). Mins li plante pout esse epweznante.

On pout fé on rbolou té des foyes po sougnî so les brokes.