Dimeye Bole bijhrece

Li Dmeye Bole bijhrece ou Emisfere Nôr, c' est li dmeye bole metowe a Bijhe di l' Ecwateur.

Contnou

C' est la k' i gn a l' pus grosse pårt des continints. Inte di zels, l' Urope et l' Azeye tote etires, ene grosse mitan d' l' Afrike, et l' mitan d' l' Amerike.

L' Oceyan Atlantike eyet l' Påjhûle Oceyan sont mitan dins l' emisfere Nôr. Come di djusse, l' Oceyan artike î est tot etir.

Sitoeles

Dins tote li Dmeye-Bole bijhrece, on voet li Stoele di Bijhe ki mostere li Nôr, sins bodjî d' plaece di tote li nute.