Émile Robin

scrijheu e walon
(Redjiblé di Emile Robin)

Émile Robin, di s' no d' pene, Nibor[1], a skepyî a Namur li 15 di måss e 1877 ey î mori li 26 di fevrî 1939.

diviè 1930

C' esteut-st on scrijheu d' arimés e walon.

Riprins dins l' antolodjeye des powetes namurwès, et dins les Cayés d' guere des Relîs namurwès.

Di s' mestî, il esteut croupî dins les cazinos (Nameur, Itåleye, Tripoli). C' esteut l' grand-pere da René Dardenne.

VicåreyeModifier

On limero a pårt des Cayés walons, k' a vudî e 2016,[2] dene les pondants et les djondants di s' vicåreye.

Ouve pol walonModifier

Cwand les tiesses des Relîs namurwès ont stî prijhnîs e l' Almagne e 1914, c' est lu ki va rprinde li moennance del soce.

C' est lu k' a scrît l' tchanson « Si vôy voltî », k' est todi dins l' repertwere namurwès.

Al difén di s' vicåreye, en 1937, il a yeu l' oneur di scrire li powinme k' a stî gravé dins l' pire adlé l' Fontinne Sambe et Mouze, å Grognon (li plaece wice ki Sambe s' egoline dins Mouze a Nameur).

Li powinme, lomé « Sambe et Moûse » (en ortografeye Feller) :

Choûtez nosse Sambe tot l' long di s' coûse:
C'est l' tchant do fier èt do tchèrbon.
Choûtez l' clére êwe di nosse belle Moûse
Causer d'amour et dès nûtons.
Binaujes èt fiéres di leû bèsogne,
Asteûre v'là qu'èles si rabrèss'nut
Divant nosse vî "Grognon" qui grogne,
Djaloû dèl djôye qu'èlies si don'nut.

AléreModifier

Les Kriegscayès p. 84-86 (biyografeye) & 262-285 (tecses).

Hårdêye difoûtrinneModifier

Sourdant et pî-noteModifier

  1. c' est les letes di «Robin», a l' evier.
  2. Limero 5 (setimbe-octôbe).