Po des linwincieusès racsegnes sol mot "schayteu", alez s' vey sol Wiccionaire

El fi do schayteu Èl fi do chayteû, c' est on live di sovnances otobiyografikes da Maurice Georges, ki s' pasnut dins les anêyes 1920 do costé d' Vå-so-Seure. Il a stî eplaidî på Muzêye do Pårlaedje e l' Årdene e 2006.

Coviete do "Fi do schayteu"

Sacwantès fråzes poujheyes foû do live candjî

Après l' bal, les comeres, foirt sorwoeyêyes pa leu mere, estént ramonnêyes a leu måjhon pa leu djonne ome.
Passés å hakseleu, les strins, tot finmint discôpés, procurént l’ haksele po nouri les tchvås.
Come pindou dins l’ cir sortchåfé des tchôdès djournêyes d’ esté, l’ ålouwete, sins bodjî, lancive a piede l’ alinne ès zûnant xhufla, interminåbe.
Et vla nosse Djustin ki va monter so on pilone et s’ aler froter directumint a ene tinsion di dpus d’ 6000 volts !
Dins tos les viyaedjes, e ç’ tins la, gn a k’ el mwaisse di scole ey el curé ki pårlèt francès.
On djoû k’ el posse di Radio Lussimbork transmeteut on rpoirtaedje sol Porcession d' Echternak, cwate u cénk vijhenes, des viyès femes foirt piyeuses, avént vnou amon l’ schayteu po-­z etinde l’ emission.