E payis des shabotîs (roman)

roman e walon da Djôzef Calozet

Wiktprintable without text.svg

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

E payis des shabotîs (O Payis dès Sabotîs), c' est on roman scrît pa Djôzef Calozet et k' a rexhou e 1933. N a-st ene 2inme edition k' a vudî e 1945.

Coviete divintrinne
Plake avou l' tite do roman metowe a l' intrêye di Nåwinne

Mwaissès dnêyesModifier

C' est l' troejhinme roman da Calozet. Il aveut ddja parexhou e papîscrît e 1930, et rascode li prumî pris å "Concours do Cintnaire".

Li live est tot ratourné e francès, so tchaeke pådje pa padzo. Li ratourneu si lome Edgard Renard.

L' adrovaedje est da Jean Haust, k' a eto metou des esplikêyes so les målåjheys mots (ci motlî la, avou les ôtes des 3 ôtes romans do minme sicrijeu est rprins come limeros S112 dins l' djivêye des motîs do walon).

RascourtiModifier

Li spoûle kimince e l' ovroe d' shabotîs da Mwaisse Felisse, å Hierdå a Nåwinne. Onk des ovrîs, Amand, ki provént del Nouve Veye voet voltî Djulyinne, li feye do patron. Et cisse-ciale sifwaitmint.

Po mete galant et crapåde lon erî d' n' onk l' ôte, Felisse evoye Amand baraker dins les bwès d' Motchamp. Dj' ô bén : fé do bokion po-z aprester les bwès po les shabotîs fé les shabots. Amand n' voet pus s' mayon, veyanmint k' el dimegne, il erva dé s' viye mere al Nouve Veye (sins poleur passer pa Nåwinne).

On bea djoû, il ôt brutyî ki Djulyinne si va maryî avou onk k' on spote "Li Daguet".

Mins c' est a ç' moumint la ki l' guere di 14 atake. Amand aide des sôdårs francès schapés des batreyes di Maissin a saiwer sol Holande. Et did la s' egadjî dins les årmêyes aloyeyes.

Cwand l' guere finixh, nosse shabotî riwangne Nåwinne. Cwè çk' i va la trover ?