Eugène Gillain

Eugène Gillain a skepyî li 25 di nôvimbe 1882 å Sårt-Sint-Lorint.

Eugène Gillain

portrait da Eugène Gillain

Skepiaedje	25 di nôvimbe 1882, Li Sårt-Sint-Lorint
Moirt	10 d' awousse 1955
Nåcionålité	Bedje
Activités	powete, scrijheu
Ôtes nos	Li mèch’neû

WIKIDATA

Il a morou li 10 d' awousse 1955.

C' esteut on scrijheu e walon.

A-st enondé les Cayés Walons e 1938. Il esteut adon vice-prezidint des Relîs namurwès.

Di s' mestî, il esteut percepteu des contribucions.

Eugène Gillain est l' pa da Joseph Gillain, li spiroutî mî cnoxhou dizo l' no d' Jigé et k' a enimådjî bråmint des lives e walon.

Eplaidaedjes

Il a scrît des prôzes e walon. Eto on monoloke et deus troes sketchs, dins l' dierin d' ses lives.

Sacwants d' ses tecses ont stî rashonnés dins l' live "Å coulot do feu" (1927). Pus tård, e 1932, i va scrire on live di sovnances : "Sovnances d' on vî gamén". Pu, ci serè des prôzes do minme tonea, dins l' live do minme no «Do minme tonea» (1951). Et i dmorrè minme on ptit fond et ç' serè «Li fond do tonea».

Corwaitaedje di ses ouves

Ortografeye

Djinne Djilin n' escrijheut nén e sistinme Feller, mågré k' i scrît diski dins les anêyes 1940, et k' il est l' vice-prezidint d' ene soce k' a-st accepté l' idêye do Feller dispu les frés Maréchal dins les anêyes 1910.

Voci çou k' i scrît å dfait di l' ôrtografeye dins l' adrovaedje ("Divant d' commincî" [sic]) di s' live "Å coulot do feu":

Dj'a fait en sôrte qui ça n' fuche nin trop malauji (...). Au lecteûr à mette l'accent sûvant qu'il est d' Lonzée ou d' Saint-Djuraud, di Bail ou d' Malautchî... (p.5)

I fåt ratinde 1987 po ki l' dierinne di ses ramexhnêyes soeye replaideye e 1987 dins Les Cayés walons (djanvî et fevrî) po lére di l' Eugène Gillain e Feller.

Tuzaedjes

Eugène Gillain lét bråmint des ôtes lives e walon (do Mitan) et i cåze (todi e bén) des ôtes oteurs dins ses prôzes. On î rescontere, metans Edmond Etienne, Edmond Wartique, Anatole Marchal, evnd.

Gn a des egzimpes vaici.

Hårdêyes divintrinnes

• Egzimpes de ridjhaedjes di fråzes d' oteurs på Jène Djilin

Hårdêyes difoûtrinnes

• On tecse da sinne
  • Les soverdeas (sol waibe "Li walon d' emon nozôtes")
• Li Wiccionaire si rsieve di sacwantès fråzes da Eugène Gillain po-z enimådjî des mots k' i gn a.
• Vos trouvroz des racsegnes so les ouves da Eugène Gillain, u les ouves zeles-minmes, so Wikisourd e walon.