Crantche e l' ouy ås vatches

Li crantche e l' ouy ås vatches (cancer di l' ouy, magnant må e l' ouy), c' est l' pus corant des magnants mås des rodjès biesses. Do moens dins les payis sins leucôze.

Minêyolodjince

I prind ås vatches di dpus d' cwatre ans. Pus ki vatche est viye, pus k' il est corant.

I n' acsût ki les vatches al blanke tiesse. Eyet les cafloreyes noeres u rodjes, s' i gn a do blanc åtoû d' l' ouy. Mins ci n' est nén a 100 åcint.

• 
  cogne kiminçante, mågré l' noer toû d' ouy
• 
  magnant må bén avancî, mågré on noer toû d' ouy]

Senes del maladeye

porea waire evayixhant (pår avou des poys)

I cmince so ene des påpires, ou sol troejhinme påpire, a môde d' on porea.

I crexhe tot doûçmint, so des moes, minme des anêyes. Al fén, i s' va tchôkî dins l' texhou djondrece di l' ouy.

Les poreas del dizotrinne påpire sont pus eraecinants ki les cis del dizeutrinne.

Médyince

I fåt côper-evoye les texhous crantcheus li pus rade possibe. Et rayi les ponts la k' ene ôte crantchoûle si vôreut ahiver.

Dins les cas k' ont moussî fond dins l' ouy, i fåt côper l' ouy evoye.

Po les biesses di cinses, l' operåcion n' è våt les poennes ki si c' est ene vatche di valeur et nén trop viye.