Colibacilôze des poyes
Li colibacilôze des poyes, c' est ene ene colibacilôze; ene maladeye des poyes cåzêye pa on rascråwant colibacile).
Ele acsût purade les polets d' poytreye, et cåze des araedjeyès pietes ås pouytîs.
Rascråwant stoks di colibacile candjî
Les stoks di colibaciles ki cåzèt l' maladeye sont lomés : O1:K1, O2:K1 und O78:K80.
Minêyolodjince candjî
Cotoû d' arivaedje del maladeye candjî
Li colibacile est ene bactereye cåzu normåle. Ele ni va divni rascråwante ki si les oujheas mostrèt ene tinristé ou l' ôte :
- stok di polet ki profitè todi pus rade.
- mwaijhe idjinne
- acsujhaedje pa les micoplasses
- passaedje di virûsse come li ci des bronchite å virûsse des poyes, li boursite å virûsse u li fåsse pesse des poyes.
Morance candjî
Li morance pout monter pår, djoû après djoû, oubon-bén fé do zigzaguigne, on djoû dpus, on djoû moens.
Ådje candjî
Les poyons des prumirès samwinnes sont puvite acsûts del botroûlite å colibacile.
L' areyosaetchite est veyåve aprume so les polets di 5 a 12 samwinnes, avou ene copete di 6 a 9 samwinnes.[1] Ki: asteure ki les polets sont vindous a 7 samwinnes, ces chifes la doevnut dandjreus esse ravancîs.
Damadjes candjî
Å discopeçaedje, on trouvrè :
- areyosaetchite (fibrene dins les saetchs a l' air)
- peritonite (perifoetite)
- pericorite
- boylite (efouwaedje do ptit boyea, purade sol djedjunom)
-
Areyosaetchite
-
Peritonite (fibrene dissu l' foete)
-
efouwaedje des boyeas
Médiaedje candjî
Toplin d' antibiyotikes sont touwants pol colibacile : ampicilene, tetraciclenes, neyomicene, forfenicol, inroflocsacene, sulfamides avou trimetoprim. Li hik, c' est k' les poytîs et les årtisses end ont tant dné k' i gn a toplin d' antibiyo-edurance.
Espaitchance candjî
- Waitî d' aveur des poyons sins micoplasses (dizindjnaedje des micoplasmôzes ås mere poyes).
- Eploctaedje bén tuzé disconte des virûsses corants
- gn a eto des vaccins disconte des colibaciles, mins i sont sovint loukîs come trop tchir po-z eployî dins les poytreyes di polets, wice ki l' wangne est stroete.
Sourdants candjî
- ↑ W.B. Gross (1978), Colibacillosis, in "Diseases of poultry", ed. by M.S. Hofstad, Iowa State University Press, Ames, Iowa, USA; 8th ed. ISBN 0-8138-0430-2, p. 270