Cok walon

Li Cok Walon c' est l' essegne del Walonreye. Il a stî pondou pa Pierre Paulus e 1913, so ene dimande di l' Assimblêye walone, d' «on rodje cok so on djaene fond».

Li cok walon so on plake-tot-seu antifachisse a Nameur

Divnou l' drapea del Walonreye li 15 di djulete 1998 (decidaedje do Pårlumint walon).

Discrijhaedje

C' est l' imådje metowe sol drapea walon. Ele sieve eto so totès sôres come des plake-tot-seu, des poite-clés, des mousmints, evnd.

Li cok walon, c' est on cok di sôre. Il est astampé sol gåtche pate et il a l' droete levêye (imådje d' on cok di bate, presse a plonkî, ki rwaite l' ôte cok droet dins les ouys).

Li betch do cok walon est clôs.