Po des linwincieusès racsegnes sol mot "Chwès", alez s' vey sol Wiccionaire

On Chwès u ene Chwesse, c' est on vraiy Namurwès. Li mot est ene racourtixheure di Franchwès, disfondowe vî-namurwesse di Françwès.

Did la, li tite del gazete Li Chwès.

Caractere do Chwès candjî

  • N' est nén a l' après d' ene, cwand c' est po conter ene minte, eto on dit: On vraiy Chwès d' Nameur a todi s' dit et s' disdit.
  • Est cnoxhou come foirt påjhire. Vola ene sinne racontêye pa Edmond Wartique & E. Thirionet tins d' ene atake almande al guere di 1914-1918. Tins k' on s' dimandeut si on mourreut stofé, u broûlé, u spotchî, on ptit djonnes Chwès aveut stî discôper on buftek a ene åmaye et i fristouyive si boket d' tchå ådzeu d'ene lampe. Did la, les deus Chwès k' ont stî crokés dins les imådjes da Legrand, Djôzef et Françwès, ki moennèt on lumçon, ene ôte sipotaedje des djins d' Nameur (ene posteure da Suzanne Bodart, fwaite e 2000).