Cawete -eure

Li cawete -eure, c' est ene cawete acawêye a on viebe, ki dene on sustantif mostrant li rzultat d' l' accion.

Etimolodjeye

Ele vént tot droet del cawete latene -ura.

Sinsyince

Å pus sovint, mostere li rzultat, bén veyåve, di l' accion. Ou purade li plaece di ç' rizultat la. C' est ene vicante cawete, adon.

Come moite cawete, sovint calkêye do francès, ele dene on dominne d' ovraedje (pondeure, costeure) ou di trokes di sacwès (nateure, verdeure).

Diyalectolodjeye

Diyalectolodjicmint, c' est ene des cawetes avou l' pus di candjmint totavå l' Walonreye. Loukîz al mape ALW 1. 23 (costeure).

• a Lidje : -eûre, la k' elle est
• après Måmdey et L' Gléjhe : -ore
• a Vervî : -âre
• sol Basse Årdene : -ère
• après Nameur et Tchålerwè : -eure (/əʀ/) et -ure (/yʀ/)

Omofoneye

E rfondou walon (prononçaedje zero-cnoxheu), et après Lidje, elle est omofone del cawete -eur (cwålité : doûceur, rodjeur, aireur…)

Hårdêye difoûtrinne

Sacwants sustantifs avou l' cawete -eure (dedja studyîs sol Wiccionaire)