Cawete -eu acawêye a on no

Pol discramiaedje des årtikes avou l' mot « cawete -eu », loukîz cial.

Li cawete -eu acawêye a on no ou cawete -eu 2, c' est ene vicante cawete, mins nén foirt produjheuse k' on pout stitchî so sacwants mots po fé l' no d' ene djin k' a on mestî ou ene ocupåcion a vey avou l' bodje. Foiravant les djouweus d' sacwants instrumints d' muzike

Djins d' mestî

teyåte => teyåtreu

walon => waloneu

cwarmea => cwarmeu

petrole => petroleu

machine => machineu

åbusson => åbsoneu

Djouweu d' instrumints d' muzike

Po les djouweus d' instrumints d' muzike, on trouve sovint on no avou l' cawete -eu po mostrer ki l' djouweu n' est nén vormint èn ome di mestî.

muzike e djenerå : on muzikeu djowe po s' plaijhi, on muzicyin, di s' mestî

violon : on violoneu djowe po s' plaijhi, on violonisse, di s' mestî

acordeyon : on acordeyoneu djowe po s' plaijhi, on acordeyonisse, di s' mestî

Femrin

Li cawete -eu a on femrin avou l' cawete -euse (mins nén avou l' cawete -resse).

Noûmots

Bråmint des mots avou l' cawete -eu 2 ont stî des noveas mots a on metou trevén d' l' istwere. Il ont skepyî naturelmint (acordeyoneu, petroleu, waloneu, machineu)

Les dierins ont stî askepyîs pa les rfondeus (pipsakeu, åbsoneu).

Hårdêye difoûtrinne

Sacwants sustantifs avou l' cawete -eu acawêye a on viebe (dedja studyîs sol Wiccionaire)