Cawete -eu (diyalectolodjeye)

Pådje sol cawete -eu dins les accints do walon.

Ådvins des accints do walon, li cawete -eu do no d' fijheu ni candje waire. Ele si prononce "-eû" dabôrd pattavå. Gn a k' ene pitite coine, li Payis d' Måmdiy, la k' ele si rind pa "-eur"

on tchesseu : on, in, un tchèsseû (pattavå) <> on tchesseûr (Payis d' Måmdiy).

Mwaissès dnêyes

Li cawete pout esse situdieye å vir del mape ALW I.14 (tchesseu).

Po sacwants mots foirt dilé l' francès, li cawete -eu a stî spotchêye pal cawete -eur.

voler => voleur (pus lådje oyowe e 20inme sieke); li mot a replaecî hapeu d' boûsse, pus corant davance.

Ces mots la, si l' viebe est vicant e walon, ont stî erîlés e rfondou.

Li dobe cawete femrinne -euse & -resse est prononcêye pattavå eûss eyet rèss.

Mins c' est co on côp dins l' payis d' Måmdiy ki les cawete -resse sont les pus eployeyes. On les rtrouve foirt sovint dins l' Motî da Scius.

hover => hoveûse ou hoverèsse (schover => schoveuse ou schovresse)

E rfondou, on-z a wårdé ene dobe rifondowe po tos les nos d' fijheuse, ene avou l' cawete -euse, l' ôte avou l' cawete -resse.

Les viyaedjes, mwaisse ponts di l' ALW, k' avént ene cawete -eur e 1935, c' esteut :