Motî Somme
Li Motî Somme, c' est l' prumî motî walon-francès ki s' vraiy tite est e walon : «Live di mots d' après Nameur et avår la» (“Lîve di mots d'après Nameur èt avaurlà”).
Il a stî scrît pa Lucien Somme, avou l' coplaede da Chantal Denis, et eplaidî dizo cogne di sillabusse pås Relîs Namurwès e 1997. I rprind 95 a 99 åcint des dnêyes do Motî Léonard.
Li motî Somme, c' est onk des gros motîs do walon. Il est scrît e «scrijha Feller a môde des Relîs Namurwès», sins imådjes ni fråze d' oteur.
C' est on motî ki dene les mots walons avou l' accint d' après Nameur, mins eto d' Dinant.
Il est rprins sol limero [C100] dins l' Djivêye des motîs do walon.
Motî Somme et Motî Léonard
candjîLi motî Somme, c' est les minmes dinêyes ki les cenes do "Motî Linåd", mins arindjêyes cial shuvant l' ôre alfabetike. Mins il a eto radjouté des mots, et purade metou les rahoucantès cognes des mots sorlon l' accint d' Nameur. Mins eto l' ci d' Dinant, come dins l' motî Linåd.
- Viebe des prumire sôre : dizo cogne "bouter" dins l' motî d' Nameur, boutè a Dinant.
- Viebe des deujhinme et troejhinme sôres : dizo cogne "lodjî" dins l' motî d' Nameur, lodji a Dinant.