Boure

Li boure, c' est l' cråxhe k' i gn a dins l' laecea.

Discrijhaedje

Li boure est djaene cwand les vatches sont e waidaedje. E l' ivier, s' i gn a pupont d' yebe dins l' fôraedje, i dvént blanc.

Produjhaedje do boure

I fåt bate li laecea, k' a ddja ene miete ripoizé (deus troes djoûs) po-z aveur do boure.

Il esteut sovint prezinté e brikes d' ene live.

Valeur nourixhrece

Li boure esteut loukî come èn alimint d' grande valeur. Tuzez å spot come "promete dipus d' boure ki d' froumadje". Li coujhnaedje å boure a todi stî waitî come on lucse.

Li boure a stî disvalorijhî diviè les anêyes 1970, a cåze di s' grande contnance e seurs di cåxhe bôrés, adon ki sereut ene cåze des maladeyes do cour et des ecdûts do sonk.

Li mwais eployaedje des ôles (tchåfêyes trop foirt) a rindou des galons å boure dins les anêyes 2010.