Betleyem

Betleyem, c' est ene veye di Palestene, 10 km lon, a Nonne di Djeruzalem.

Porcession catolike li 24 di decimbe, avou l' båzlike del Nexhance padrî

Dispu li påye d' Oslo, elle est metowe dins li cåzu-estat palestinyin.

C' est a Betleyem ki Djezu-Cri åreut vnou å monde, teyoricmint e l' an 1. Mins, sorlon sacwants rcwereus, e 6 divant Dj.C.

Gn a la 25.000 djins ki vicnut, mins pôvriteuzmint, di cåze di l' essermint del veye pa Israyel. Pal voye do Meur di pårtixhaedje del Palestene, et des straegnès rîles po moussî laddé.

On-z î pratike les rlidjons muzulmane et crustinne (catolike, protestant, ortodosse).

Economeye

Avou l' esseraedje israyelyin, l' economeye est pôvriteuse. Les martchands d' sovni vindèt çou k' i polnut. Gn a des scrinîs ki les ahesnut avou des posturetes do ptit Djezus, et des ôtes persounaedje del creche.

Avey

Li båzlike del Nexhance, avou li trô del Nexhance. C' est la k' i gn a on pelrinaedje après l' messe e meynute, li djoû d' Noyé.

Li moskêye Omar, djusse ene miete pus lon.

Ene eglijhe luteryinne.

• 
  Dessinaedjes sol meur di pårtixhaedje del Palestene, a Betleyem
• 
  Moskêye Omar
• 
  Eglijhe luteryinne