Betchteu waibe

On betchteu d' waibes u, pus coûtmint, on betchteu waibe, c' est on programe ki dene l' ådjeu a voste éndjole d' aler loukîz totes les waibes k' i gn a sol Daegntoele.

Waitroûlêye d' on betchteu d' waibes (Mozilla Firefox)

Aler betchter so totes les waibes avou ç' programe la si dit "cibernaivyî" (kécfeye di cåze di l' essegne di "Netscape", on vierna u "ciberrôbaler". Li ci ki passe si tins a ça si lome on (ene) "cibernaivieu(se)" u "ciberrôbaleu(se)".

Lisse dès principås betchteus

Prôpietaire licince

Apple : Safari

Google : Chrome
Maxthon Internation Limited : Maxthon

Microsoft
- Internet Explorer (nén rapontyî dispoy èl enondaedje d' Edge)
- Edge (dispoy èl enondaedje do Windows 10)
Opera Software : Opera
Vivaldi Technologies : Vivaldi
Yandex Browser : Yandex

"Mozilla Public" licince

Brendan Eich : Brave
Mozilla Foundation :
- Mozilla Firefox
- SeaMonkey
The Tor Project Incorporation : Tor Browser

Po des linwincieusès racsegnes sol mot "betchteu", alez s' vey sol Wiccionaire

Istwere des betchteus d' waibes

Onk des prumîs betchteus d' waibes, ci fourit "Netscape Navigator", k' a basti ene societé comerciåle foirt florixhante (diviè 1995). Si essegne, c' esteut on vierna d' batea.

Après, gn ourit l' "betchteu då Bill" ("Internet Explorer"), ki vna ototmaricmint aclapé å sistinme d' operance "Windows 2000" da Microsoft.

Diviè 2005, li societé "Netscape" a stî ratchtêye, et ses vîs programes ridiswalpés come libes programes. Li betchteu si lome "Mozilla Firefox".

Ratournaedje e walon des betchteus

Onk des prumîs ratournaedjes e walon d' on betchteu waibe (emantchî pa Pablo Sarachaga diviè 1999.

Li prumire modêye do betchteu "Netscape" a-z aveur sitî ratournêye e walon, ci fourit li 4.08.

C' est Pablo Sarahaga k' a bråmint bouté so les rashiaedjes e walon des betchteus waibes. E 2007, i ratourna cåzu tot l' betchteu Mozilla.

Li betchteu waibe Konqueror (dizo l' evironmint d' sicribanne KDE divins Linux) a stî ratourné ås troes cwårts e 2007 et 2008 pa Djan Cayron sol båze di l' ovraedje dedja fwait pa Pablo Sarachaga eyet Lorint Hendschel.