Betchfessî oy

Li betchfessî oy, c' est on foninme do walon ki rote come ene cogne do betchfessî ô. Djusse, gn a sacwants coines del Walonreye ki l' prononçaedje est djusse on court O (/ɔ/)

voye = vôye + vôⁿye + voûye (3 disfondowes do betchfessî ô) + voye (råle) avoyî = avôyî + avôⁿyî + avoûyî (3 disfondowes assez råles) + avoyî (disfondowe li pus corante)

Foû-rîles

Gn a cwate mots foû rîle (ki dmorèt avou l' prononçaedje court do «o» /ɔj/)

• foye
• coye
• poye
• hoye

Leu pus lådje oyowe, c' est avou l' son «ou»: fouye, couye, pouye, houye.

Istwere

Li betchfessî oy n' a nén stî lijhî oficirmint emey les betchfessîs scrijhas.

Dins l' Motî Yoran Embanner walon, les mwaisses prononçaedjes des mots avou l' betchfessî oy al fén, come croye, roye, voye, evoye sont scrîts e-n Alfabet fonetike eternåcionå avou on long O (/kʀoːj/, /ʀoːj/, /voːj/, /ɛvoːj/).

Po les mots avou l' betchfessî oy å mitan, li mwaisse prononçaedje est avou on court O : avoyî (/avɔjiː/), evoyeu (/ɛvɔjøː/), soyete (/sɔjɛt/).

Veyanmint li plaece do Motî Yoran Embanner walon dins li rfondaedje (i pout esse loukî come documint nén rcandjåve), li rotaedje do betchfessî oy divreut esse ci-la.

Hårdêye divintrinne

Sacwants disfondowes «oûy» (scrîts da Adelin Lebrun)

Hårdêye difoûtrinne

• Mots avou l' betchfessî oy dedja studyîs sol Wiccionaire