Betchete dis-

Li betchete dis-, c' est ene vicante betchete do walon.

Elle est pus sovint eployeye ki l' betchete di-, si sinonime, ki n' est vicante ki sol Payis d' Lidje.

Fonccionelmint, ele pout esse riwaiteye come ene dobe betchete, l' aplacaedje d' ene betchete di- et d' ene rafoircixhante betchete s-.

On l' pout rtrover dins des viebes, mins eto dins des nos (ki l' viebe sourdant a disparexhou).

Sôres et egzimpes

Betchete dis- di disfijhaedje

C' est l' contråve d' on simpe viebe:

fé <> disfé

mete <> dismete

plaire <> displaire

fåfiler <> disfåfiler

... ou d' on viebe avou ene betchete e- d' emantchaedje: Padecôps, li bodje n' est nén clair, ca i n' vike pus dins l' walon d' ouy. Si fåt i rmonter å vî walon, et å latén et pår å gayel po comprinde l' emantchaedje :

disdut (esplicåve pal vî walon)

dispierter (esplicåve på latén)

diswåve (esplicåve på gayel)

Betchete dis- di distelaedje

C' est l' contråve d' ene betchete a- d' atelaedje

acawer <> discawer

Rafoircixhante betchete dis-

Loukîz a : Categoreye:Mots avou l' rafoircixhante betchete dis-

Bén pus rålmint, li betchete dis- va awè on rafoircixhant efet.

discandjî (candjî deus côps)

disconte (bén metou conte)

displayî (tot a plåyes)

Eployaedje dins des noûmots

betchete dis- tote seule

si dispatroner: leyî s' plaece a èn ôte come patron, directeur, prezidint (dabôrd k' on pôreut co dmorer)

dobès betechetes

On l' pout ossu acawer a des viebes k' on ddja ene ôte betchete, tot-z askepiant des novelès dobès betchetes (come disra-).

disraloyî

disrashonner

Hårdêye difoûtrinne

• Mots avou l' betchete dis- (dedja studyîs sol Wiccionaire)