Betchete a- di rindaedje

Li betchete a- di rindaedje ou betchete a des viebes del 4inme troke, c' est ene betchete a- ki s' abetchtêye a des viebes del 4inme troke fwaits so des addjectifs, ki vlèt dire "rinde pus + addj."

• aclairi = rinde pus clair
• adeuri = rinde pus deur
• alårdji = rinde pus lådje
• arondi = rinde pus rond
• amwinri = divni pus mwinre (maigue)
• aspexhi = rinde pus spès
• atinri= rinde pus tinre
• ateni = rinde pus tene

Cåzu tos ces viebes la ont-st on sfwait viebe, avou cåzu l' minme sinse, basti avou l' betchete ra- :

• raclairi
• radeuri
• ralårdji
• ramwinri
• raspexhi
• ratinri
• rateni

Po sacwants, gn a minme pont di cogne simpe (avou a-)

• racourti
• rafoirci
• rafroedi
• rahôti
• ralongui
• ranoeri
• raverdi

Ces viebes la ont pacô des doblons, la k' ene betchete si- si vént stitchî inte li a- / ra- eyet l' bodje :

• asclairi
• rascourti

Viebes a rfonde avou cisse cogne la

• aswadji : l' addjectif est latén.

Hårdêye difoûtrinne

• Sacwants viebes avou l' betchete a- di rindaedje (ki sont dedja sol Wiccionaire)