Betråle

plante coûtivêye po si grosse raecinêye, k' on-z î poujhe do souke, u l' diner a magnî ås biesses u ås djins
(Redjiblé di Beta vulgaris)

Po des linwincieusès racsegnes sol mot "betråle", alez s' vey sol Wiccionaire

Li betråle u petråle, c' est ene ahivêye plante.

distoclaedje des betråles å souke

Sincieus no d' l' indje : Beta vulgaris.

Sôres di petråles candjî

Gn a des betråles å souke et des betråles po les biesses (betråles-fôraedje).

Li cene po les vatches est rodje et ronde, del cogne d' ene botaye å rvier. Li cene å souke rishonne pus a on traitoe, avou ene grande cawe, ey elle est pus blanke.

Gn a eto les rodjès betråles k' est ene verdeure po les djins.

Coûtivaedje des betråles candjî

 Loukîz a : treråyaedje des betråles

Dinltins, on lzès seméve a royes.

On ls aclairixheut tot passant avou ene raezete, pu al mwin. C' est l' asclairixhaedje u distoclaedje u distroclaedje ou treråyaedje ou metaedje a ene.

Asteure, on lzè-s seme al machine, ki n' mete pus k' ene grinne la k' el va crexhe.

Li råyaedje si fjheut avou ene fotche a shijh dints (po n' les nén froxhî). Adon, on les cawéve avou on fiermint.

On les pleut wårder sol tchamp po l' ivier, tot fjhant des motes.

Motlî walon candjî

Il est diswalpé so 90 pådjes dins l' live Gaziaux so les coûteures (pp. 57-147).

 
Commons
I gn a so les cmons Wikipedia des imådjes ou fitchîs son a vey avou les betråles .