Walonreye waloncåzante

Pol discramiaedje des årtikes avou l' mot « Walonreye », loukîz cial.

Li Walonreye walon-cåzante (on dit eto pa côps payis walon, copurade tot cåzant eto di payis picård, payis gåmès,...), c' est les 70 åcint del Walonreye, la k' on-z a todi djåzé walon (dj' ô bén, li walon walon, nén l' picård, ni l' gåmès, ni l' tchampnwès). Il î fåt radjouter li Walonreye di France.

Tos les viyaedjes del Walonreye walon-cåzante ont-st on limero diyalectolodjike, eployî dins l' ALW.

Tos les accints do walon di ces payis la ont stî rprins cwand on-z a etcherpinté li rfondou walon.

Walonreye walon-cåzante e djaene

Zône

Walon do Coûtchant

• Province do Hinnot : Arondixhmint d' Tchålerwè avou l' Bijhe eyet l' Levant d' l' arondixhmint d' Twin.
• Province di Nameur : Arondixhmint di Flipveye.
• Province do Roman Payis : Dins l' coûtchant viè Nivele.
• Walonreye di France : Å Nonne-Coûtchant

Walon do Mitan

• Province do Lussimbork : Pus u moens å Bijhe-Coûtchant d' Måtche.
• Province di Nameur : Arondixhmint d' Nameur (ecsepté li redjon viè Andene) yet l' Arondixhmint d' Dinant (ecsepté åtou d' Vresse)
• Province do Roman Payis : Totavå, såf li Coûtchant yet l' estrinme Levant.
• Walonreye di France : Totavå, ecsepté viè l' Nonne.

Walon do Levant

• Province di Lidje : Pattavå.
• Province do Lussimbork : Estrinme Bijhe-Levant.

Walon d' Nonne

• Province do Lussimbork : Al Mitan-Bijhe ey å cinte.
• Walonreye di France : Å Nonne-Levant.