Batreye des sporons d' ôr

Li batreye des sporons d' por ou batreye di Courtrai, c' est ene batreye ki s' a passé a Courtrai li 11 di djulete 1302.

D' on costé, gn aveut les nôbes Francès, kimandés på conte d' Artwès, Robiet II. Di l' ôte, les mestîs flaminds, kimandés pa Pire De Coninck. Ces-ci fourît aidîs pa 600 cavlîs vinous del conteye di Nameur. Gn aveut eto des Almands et des Zelandès.

Les cavlîs d' après Nameur vinît bén a pont, ca les Francès avént tertos des tchvås, et les Flaminds cåzu pont.

C' est les Flaminds ki wangnît, et après l' batreye, aler ramasser les sporons des nôbes francès touwés, k' estént fwait d' ôr.

Shuvance

Li batreye des sporons d' ôr va esse metowe come li foû marcant etrevén di l' istwere del Flande. Si djoû serè tchoezi come li djoû del fiesse nåcionåle flaminde.

Les istoryins del Beldjike si vont siervi di l' aidance des Namurwès po mostrer ki les Walons et les Flaminds estént aloyîs dispu foirt lontins