Albindazole

L' albindazole, c' est ene drouke del famile des binzimidazoles disconte des viers k' on sieve ostant ås djins k' ås biesses di cinse.

Dôzaedje ås djins

Come li prodût n' est waire epweznant, on dene å pus sovint ene seule dôze di 200 miligrames po les tot ptits efants (onk a deus ans) eyet 400 miligrames po les efants di pus d' deus ans et les grandès djins.

Po les ronds viers, on n' a dandjî sovint ki d' on seu purdjaedje. Mins pinsez k' i gn a co des oûs ki vont disclôre pus tård.

Po les plats viers (vier solitaire), i fåt médyî troes djoûs e-n erote.

Dôzaedje ås biesses

Foirt corant po médyî les bovrins (a 7,5 mg å kilo) et les bedots (a 5 mg å kilo). Pol dewe do foete, i fåt médyî a 10 mg å kilo.