Albert Rousseau

sicrijheu e walon

Albert Rousseau, c' esteut on scrijheu e walon k' a skepyî Grand-Lé li 3 d' decimbe 1906. Moirt e 1992.

Il est rprins dins l' antolodjeye Fleurs diyalectåles et dins l' Antolodjeye Scrire.

Di s' mestî, il esteut facteur a Fleuru.

Ouve pol walonModifier

A Fleuru, i rescontra Henri Petrez k' el poûssa a scrire e walon.

Come si mwaisse, i scrijha des fåve et des ôtes arimés, ttossu bén dins l' lingaedje di Grand-Lé, ki dins l' ci d' Fleuru.

Il a moussî ås Relîs Namurwès e 1962.

Avou sès soçons, meta li soce des Romans Scrijheus dsu les rayes e 1969.[1]

Egzimpe di boket da sinneModifier

Såjhons
Dj' a bén rpelé totes les pî-sintes
et rpiké des fleurs — gn a ddja mwintes —
po vs fé plaijhi.
Dj' a rintré m' frumint et mi avoenne,
et ramoenné mes djoyes, mes poennes,
dins vosse tcheri.
Dj' a disca mexhné totes les foyes,
po-z î mète vosse cour a l' rimouye,[2]
dissu l' paxhi.
Et nos irans dvant k' i n' bijhele,
Nos deus, sayî d' conter les stoeles[3]
do paradis.[4][5]

Sourdants et pî-notesModifier

  1. (fr) Nos campagnes, p. 115.
  2. Mwaisse modeye: «fouyes» / «rimouye».
  3. Mwaisse modeye: «bîjèle» / «stwèle».
  4. dins l' Noer Boton, n° 20 decimbe 1972, riprins dins «Nos campagnes» (1998), p. 99.
  5. Mwaisse modêye, come elle aveut stî metowe vaici å prume