Adrovire

Ene adrovire, c' est ene troke di mots, foirt coranmint siervous dins l' emantchaedje del fråze walone, ki s' metèt al tiesse del fråze po refoirci on sudjet u on coplemint.

Gn a l' vatche ki vele.

Li boket del fråze ki cmine pa "ki" rishonne a ene fråzlete rahoucrece. C' est l' minme tcherpinte, mins nén l' minme fonccion.

Adrovire "gn a ... ki"

Gn a vosse pa ki vs a houkî.

c' est on refoircixhaedje di :

Vosse pa vos a houkî.

Adrovire "c' est ... ki"

emantchaedje simpe

C' est mi k' est mwaisse.

C' est on refoircixhaedje di :

Dji so mwaisse.

emantchaedje pus long

C' est mi k' i fåt k' î våye.

C' est on refoircixhaedje di :

I fåt k' dj' î våye.

Adrovires dins les ôtes langues

francès

«c'est … qui»: minme fonction ki li sfwaite adrovire e walon.

c'est moi qui ai raison et c'est vous qui avez tort. (c' est mi k' a råjhon, et c' est vos k' a toirt)

Hårdêye difoûtrinne

Definixha des adrovires dins l' motlî del pitite Croejhete da L. Hendschel