Adjondrece

Ene adjondrece, c' est on ptit mot, nén candjåve, k' adjond deus mots del minme fonccion croejhetrece.

Ene adjondrece di puzieurs mots, c' est ene adjoncrecire.

Les adjondreces et les aloyrece sont pacô lomêyes les codjondreces.

Adjondrece les pus cnoxhowes

• et / eyet / yet / ey
• si
  • et s’
• ca
• mins
• ni
• ou / u / oudonbén…
• adon / alôrse
  • adonpwis

Adjondrecires

Li minme fonccion pout esse ahesseye pa ene troke di mots, k' on va lomer adjondrecire. Les adjondreces come «oudonbén» u «adonpwis» polèt esse waiteye come des adjondrecires retroclêyes.

Egzimpes :

• mins nerén, mins nén pus
• houte di çoula, avou ça ki
• ci côp la

Dins des ôtes lingaedjes

Lomaedje

Bråmint des ôtes lingaedjes ont-st on batijhaedje come e francès «conjonction de coordination».

Li neyerlandès, come li walon, a foirdjî on noûmot.

Neyerlandès

Les adjondreces si lomèt « nevenschikkend voegwoord». C' est aprume «maar», «en» eyet «want».

Årvier des aloyrece, les adjondreces do neyerlandès ni fwaiynut nén candjî l' ôre des mots padrî:

Ik ga met de fiets, want het is mooi weer. (dj' eva a velo, ca i fwait bon).

Avou ene aloyrece (omdat), ci sereut:

Ik ga met de fiets, omdat het mooi weer is. (dj' eva a velo, pask' i fwait bon).

Hårdêye difoûtrinne

• Les aloyreces (e walon, sol «Pitite Croejhete» da Hendschel)
• (fr) Les aloyreces (e francès, sol waibe del croejhete walone da Hendschel).
• Adjondrece dedja studieyes sol Wiccionaire