Cou-d'-tchåsse-d'-Almand

Aconitum napellus

Pol discramiaedje des årtikes avou l' mot « tchapea-d'-djindåre », loukîz cial.

Foto del plante prindowe dins on djårdén e-n Andôre.

Li cou-d'-tchåsse-d'-Almand, c' est ene plante avou des bleusès fleurs.

Sincieus no d' l' indje : Aconitum napellus

Sinonimeye

Il egzistêye deus sinonimes po ci plante ci. On-z a, po cmincî, li « tchapea-d'-djindåre ». Ci no la, c' est eto on no di tchampion.

Dins l' walon do Coûtchant, on cåze eto d' on « bleu-montant ». On l' ôt foiravant do costé d' El Lovire eyet l' ci d' Måtche-dilé-Scåssene.

Piceures

Ça pousse purade å solea eyet tins d' l' esté, foiravant inte li moes d' djun ey el ci d' awousse. La eto k' il egzistêye des ôtès sôres d' ci plante ci.

Uzaedjes

Medcene

Il est foirt uzé e-n Azeye come ene yebe ås maladeyes. On s' endè sieve puvite conte les doleurs des musses. Foû del medcene rîlêye, ci plante ci est foiravant uzêye dins l' omeyopateye, metans po médyî l' five.

Epweznaedje

Fåt prinde asteme cwand on s' sieve do cou-d'-tchåsse-d'-Almand, ca c' est ene plante mo epweznante. I pout fé bråmint d' må å cour, virpus å sistinme nierveus.

Cwand on tchåfe li plante, si epweznance discrexhe.