Acide soûfrike

L' acide soûfrike, k' on lome eto « vitriyol », c' est ene molecule. Ès fôrmule c' est : H₂SO₄.

Tcherpinte di l' acide soûfrike.

Piceures

L' ene des piceures di l' acide soûfrike, c' est d' esse mo seur eyet hagnant. Ès polance idrodjinne est di 2,75 so l' speke crômatike da Litmus.

Uzaedjes

L' acide soûfrike est uzé po bråmint des sacwès : po fabriker di l' angrais, po fabriker des léndjes, po rafiner l' petrole, po stokî l' electricité dins les batreyes å plonk, po decaper l' metå ; mins eto po fabriker des colorants, des esplôzifs, des produts po rnetyî.

E moudrelté, el vitriyol est sovint uzé po blessî l' pea des djins k' on-z acoye. Les damadjes sol pea polnut esse definitifs.

Droet

Dins les lwès di l' Union Uropeyinne, l' acide soûfrike est dins l' lisse des « dinrêyes réglumintêyes ». El Beldjike, si l' vitriyol est a on hôt livea, metans 96%, i n' pout nén esse vindou dinsi.