L' abondroet d' oteur, c' est l' abondroet ki les fjheus d' les ouves årtistike, edvincions, modeles, end. ont, did pa les alantès lwès.

Kékès dnêyes so les abondroets d' oteurCandjî

Les cis ki n' respectèt nén ces abondroets la son lomés les xhineus d' modeles u eviersineus.

El Walonreye, les abondroets des oteurs, tchanteus, sicrijheus, compôzeus d' muzike, evnd. sont disfindous pa des soce pol disfindaedje des abondroets d' oteur, kel pus cnoxhowe, c' est l' SABAM.

Les abondroets sont-st eritåves, come des ôtes béns-meubes.

I sont-st eto vindåves. Metans, les abondroets des tchansons Djôr Brassens ont stî ratchtés pa ene soce neyerlandesse.

Sacwants anêyes après l' moirt do mwaisse tinant u del mwaisse tinante d' abondroets, les ouves pasnut otomaticmint dins l' dominne publik. Cisse termene la pout candjî avou les anêyes et les payis. Asteure, e l' Beldjike, c' est 70 ans (dispu les anêyes 2000).

L' oteur lu-minme u ses åyant-droet, i polnut fé passer leus ouves dins l' dominne publik, i dizo licince di libe eployaedje. Çoula est todi l' cas dins les Cmons d' Wikipedia et so Wikisourd, boutans.