Candjaedje e A del voyale del prumire sillabe

Li candjaedje e A del voyale del prumire sillabe (on dit eto A-divnance å prumî pî), c' est ene piceure del fonolodjeye do walon.

Egzimpes

Po tote ene cåkêye di mots, li voyale etimolodjike divént A e walon :

• agnon
• bardouxhî (?)
• crama (bodje kremaster)
• djaler (bodje gelare)
• djama (bodje geminare)
• halene (bodje hundinna)
• manoye (bodje moneta)
• matchurea (bodje muccare)
• maxhî (bodje mixtiare)
• pacawe (aplacaedje di "pot al cawe")
• samwinne (bodje septimana)
• tamon (bodje temo)
• xhalé (*scoulé => houlé => halé + chalé).

Les bodjes sont sovint laténs, mins end a eto des francikes (come po "halene")

Ça pout esse eto des mots d' aplacaedje (pacawe)

Sipårdaedje des sfwaits mots

Po des mots come "crama", "manoye", "djaler", "samwinne"li cogne avou A est spårdowe dins tote li Walonreye walon-cåzante.

Po des mots come "halene", "agnon", gn a eto des disfondowes avou l' oyon O/OU (holène, ouline).

Alére

L. Remacle : Alphacisme à la syllabe initiale (Live da Remacle sol datåcion des mots walons di dvant 1600, p. 52-53)

Hårdêye difoûtrinne

Sacwants mots avou a-divnance del voyale do prumî pî (dedja studyîs sol Wiccionaire)