Ågne

Ene ågne (u: èn ågne) u on bådet, u ene bourike u èn aze , c' est ene biesse ås tetes, k' a cwate pates et ås longuès orayes.

L' ågne est co ene biesse di tcheriaedje (Marok, 2002)

Sincieus no d' l' indje : Equus asinus.

Famile : tchivalidîs

Motlî

El Walonreye, l' ågne est sovint rwaitî come l' imådje del biestreye.

Li frumele si lome ene både u ene ågnesse u ene borike.

Li ptite ågne si lome ågntea, u boricot, u boriket.

On dit kel bådet hiyanle (k' i fwait hiyan) u k' ele brait: c' est l' henixhon, li hiyanlaedje u hiyanlmint; on dit eto ki l' ågne hiyanle (k' ele fwait hiyan) u k' ele brait.

• 
  Des ågnes a Lesse
• 
  å Marok, al florixhåjhe
• 
  ågntea dins l' montinne

Mopliyaedje

Li både pout esse covrowe pa on bådet u pa on roncén. Dins l' prumî cas, il è rexhe èn ågntea, dins l' deujhinme, on moultea.

Ele va 11 moes.

Come li cavale, ele pout aler a måye dins les ût djoûs ki shuvèt l' bådlaedje.

Li pureure est d' ene seule pîce, come li cene d' ene cavale.

Dins les såvadjes nos

L' ågne est eto li spotaedje des djins di sacwants viyaedjes el Walonreye :

• Bietris : les Bådets.
• Boye : les Ågnes.