Duwal (linwince)
Loukîz a : «duwel» (batreye di deus djins)
Li duwal, el linwince, c' est, dins sacwants lingaedjes, on nombe (linwince) la k' i gn a deus unités å mot. Adon, gn a des cognes do mot ki n' sont ni des singulîs, ni des pluriyals.
Come pol singulî eyet l' pluriyal, li duwel si mete ås sustantifs, addjectifs, pronos u prezintoes.
Sacwants lingaedjes k' i gn a on duwal : litwanyin, slovinne, vî grek, sanscrît, ebreu, arabe.
Li walon, ni l' francès, ni l' inglès ni l' arabe marokin n' ont d' duwal a tos les mots. Portant gn a des traces di ci nombe la dins sacwants pronos u prezintoes.
Traces do duwal dins sacwants lingaedjes ki n' l' ont nén a tot côp bon candjî
- walon: pronos u trokes di pronos : ambedeus; zels deus (zeles deus); leus deus
- francès : tous deux
- almand et neyerlandès : beiden
- espagnol : ambos
- inglès : both
- arabe marokin : bjouj (bjoujna, bjoujkoum, bjoujhoum)
Egzimpes do duwal e l' arabe classike candjî
- tayyara dakhma nazala fi l-matar (ene grosse avion dischindant so l' areyopoirt)
- tayyaratan dakhmatan nazalan fi l-matar (deus grossès avions dischindant so l' areyopoirt)
- tayyarat dakhmat nazalat fi l-matar (des grossès avions dischindant so l' areyopoirt)