Zoupleuse

Ene zoupleuse, c' est on rime-rame d' efant k' on dit tot prindant l’ efant so ses djnos, et l’ fé potchî.

Po-z atchver, on pout sorlever l’ efant, li rtourner, et lyi shofler dins s’ pepete.

Estô di prinde si mamé so l’ djino, on l’ pout mete a dadaye sol côp d’ pî. Al fén, on l’ berôle sol costé tot djhant : « a bas les ptits valets ».

Egzimpes di zoupleuse

Youpdoudoup so li spirea

Djambe di bwès n’ a pont d’ oxheas

Nosse meskene ni sait danser

Nosse vårlet nel sait moenner

Nosse tchivå n’ a pont d’ avoenne

I nd årè k’ a l’ ôte samwinne

Avou l’ ci do vî captinne.

I n’ a pus k’ on ptit xhuflet

Po shofler å cou da Tchantchès.

A dada dsu mon bidet,

Tinoz vos bén ôtrumint

C' est l' cumulet... Zoupla !

Roumdoudoum Colin Robin

Vosse tabeur ni va nén bén

Fjhoz l' on pô raler pus bén

Disk' a l' anêye ki vént

Et cwand vos pasroz dvant mon Djetrou

On vs taprè l' tabeur a vosse cou.